क्युवाका पूर्व राष्ट्रपति फिडेल क्यास्त्रोले आफनो बारेमा गलत अफवाह फैलाएको भन्दै अन्तराष्ट्रिय सन्चारमाध्यमहरुको आलोचना गरेका छन् । उनले हालै एक आलेखमार्फत आफू मृत्युको शैयामा रहेको समाचार सम्प्रेषण गरी गलत प्रचारप्रसार गरेको भन्दै अन्तराष्ट्रिय सन्चारमाध्यमहरुको आलोचना गरेका हुन् ।
आफनो स्वास्थ्यस्थिती सामान्य भएको जानकारी गराउँदै ८६ बर्षिय क्यास्ट्रोले उनको स्वस्थ्यस्थितीबारे हावादारी समाचार नदिन अन्तराष्ट्रिय सन्चारमाध्यमहरुलाई चेतावनी समेत दिएका छन् । क्युवाको एक सरकारी सञ्चारमाध्यममा आफनो पछिल्लो तस्वीर पठाई तस्वीर हेरेर भएपनि उनको स्वास्थ्यस्थितीबारे जान्नुपर्ने सुझाव उनले सन्चारमाध्यमहरुलाई दिएका छन् । गत मार्च पछि उनले सार्वजनिक गरेको यो दोश्रो तस्वीर हो ।
आफू अध्ययन र लेखनमा ब्यस्त रहेकोले दुनियाको नजरबाट टाढा रहेको जानकारी पनि उनले आलेखमा उल्लेख गरेका छन् । यसअघि बेखवर रहेका क्यास्ट्रोको स्वास्थ्यस्थिति नाजुक बनेकाले उनको मृत्यु भएको आशंकामा बिभिन्न प्रकारको समाचारहरु प्रकाशमा आएका थिए । फिडल क्यास्ट्रो सन् १९५९ मा क्युवाको सत्ता सम्हालेका क्यास्ट्रोले अस्वस्थताका कारण उनका भाई राहुल क्यास्ट्रोलाई सन् २००८ मा सत्ता हस्तान्तरण गरेका थिए ।
Agencies
कार्तिक ७ गते, २०६९ मा प्रकाशित
