अन्तराष्ट्रिय रेस्लिङ्ग महाभिडन्त अर्घाखाँचीमा सम्पन्न / विश्वभरबाट एक लाख ३७ हजारले प्रत्यक्ष अर्घाखाँची डट्कम् मार्फत अवलोकन गरे

कार्यक्रमको अर्घाखाँची डट्कम् ले प्रत्यक्ष भिडियो प्रसारण गरेको थियो । प्रत्यक्ष प्रसारण मार्फत विश्वभरका करीब १ लाख ३७ हजार नेपालीले प्रत्यक्ष अवलोकन गरेको अर्घाखाँची डट्कम् को प्राबिधिक कक्षले जानकारी दिएको छ । प्रत्यक्ष प्रसारणका लागि अर्घाखाँचीमा अर्घाखाँची डट्कम् का बिनोद गैरे , इण्टरनेट सेवाका लागि राजन आचार्य र केशब खनाल लगायत अन्य सहकर्मीले सन्धिखर्कको टुडिखेलमा सहयोग गरेका थिए । प्रबिधी र अन्य सहयोग दुबइ बाट बिदेश बिभाग प्रमुख उमाकान्त पाण्डे गाउले, लन्डन बाट रमेश थापा, र राजधानी काठमान्डौ बाट अर्घाखाँची डट्कम् का प्रमुख मेहर सिहं केसी लागि परेका थिए ।

५ हजार जनाले अवलोकन गरेको आयोजकले बताएको छ  । नेपाल पर्यटन खेलकुद मञ्चको आयोजनामा भएको  कार्यक्रमका लागि पाँच जना विदेशी र पाँच जना नेपाली रेस्लीङग महाभिडन्तको प्रदशनी देखाएको मंञ्चका अध्यक्ष  पृथ्वी थापाले बताए ।

उक्त महाभिडन्तमा अस्ट्रेलियाका सुपरस्टार हार्टली ज्याको ज्याक्सन र नेपालका एक मात्र अन्तराष्ट्रिय रेस्लर भरत बहादुर विशुराल (हिमालयन टाइगर) विच मुख्य महाभिडन्त भएको थियो । उक्त भिडन्तमा जितेका  खेलाडी हिमालयन टाइगरलाइ लाईसंघको नाममा स्थापना गरिएको च्याम्पियनसीप टाईटल वेल्ट उपाधीका साथ नगद दुई लाख रुपैया प्रदान गरिएको  छ  ।

उक्त नेपाली पहिलो महिला रेस्लर भगवति खड्का (युनिका) अमेरिकाको चिकागोवाट आउने द ग्रेट चेन्ने आल्माका साथ महाभिडन्त गराएर भरपुर मनोरञ्जन प्रदान गराइएको थियो  साथमा डव्लु डव्लु ई का पुर्व खेलाडी द ग्रेटनेस टिम मेम्वर द ग्रेट मालाकी र जापानको जीरोवान रेस्लिङगका खेलाडी युसुके उदे विच महाभिडन्त भएको थियो र  सुभारम्भमा भक्तपुरका महेस कोजु र काठमाडौंका नसिङग नेपालीको महाभिडन्तले रेस्लिङग रिङग तताएको थियो ।

यसैबीच कलाकार जीवन शर्मा र हास्य कलाकार मनोज जगुरेलले समेत आफ्नो प्रस्तुती देखाएका थिए । स्थानिय जनताहरुकालागी ज्ञानवर्धक मनोरञ्जन कार्यक्रमले हौसला बढाउने र पर्यटन व्यावसायमा सहयोग पुरयाउने लक्ष्यका साथ  आयोजना गरिएको कार्यक्रममा आजसम्म सरकार लगायत कुनै पनि साहु महाजन , उद्योगपति , व्यापारी र संघ संस्था संग नगद वा जिन्सी कुनै प्रकारको पनि सहयोग नपाएको र नलिएको पनि जननकारी गराएको छ ।