मंसिर २३ गते, २०६९ मा प्रकाशितनेपाल महिला संघकी संस्थापक मङ्गलादेवी सिंहको ८७ औँ जन्मजयन्तीका अवसरमा शुक्रबार आयोजित कार्यक्रममा नेताहरूले सत्ता लम्ब्याएर सत्ताकब्जा गर्ने रणनीतिअन्तर्गतनै एमाओवादीले काँग्रेसको उम्मेदवारी घोषणापछि बोली फेरेको बताएका छन् । माओवादी सहमतिमा नआए अबको लडाई अधिनायकवाद र सत्ताकब्जा विरुद्ध हुने भन्दै नेताहरुले अब पनि बार्गेनिङको धृष्टता नगर्न एमाओवादीलाई आग्रह गरेका छन् ।
कांग्रेस सभापति सुशील कोइरालाले माओवादी लोकतन्त्रको मूल्य मान्यताविपरीत गए लोकतन्त्रको लहरले बगाएर लैजाने बताउनु भयो कांग्रेसले मुलुकको राजनीतिक सङ्कट समाधानका लागि अग्रसरता लिएर त्यसको समाधान गरेरै छाड्ने उहाँको भनाई थियो । उहाँले आफू प्रधामन्त्रीको उम्मेदवार भए पनि कुनै अहम् नरहेको र प्रजातान्त्रिक मूल्य, मान्यता र आदर्शविरुद्ध पार्टीको शिर झुकाउने कुनै काम नगर्ने बताउनुभयो ।
अन्य समाचारहरु
