एकीकृत नेकपा माओवादी महाधिवेशन तयारीमा जुटेको छ । यही क्रममा आज सङ्गठन विभागको बैठक बस्ने भएको छ । बिहान ११ बजेपछि बस्ने बैठकमा महाधिवेशन तयारी र पार्टी सङ्गठन सुदृढीकरण र शुद्धीकरणसम्बन्धी छलफल हुने प्रवक्ता अग्निप्रसाद सापकोटाले जानकारी दिनुभएको छ । उहाँका अनुसार आज महाधिवेशन तयारी स्वरुप विभिन्न समितिहरू गठन गरिने छ । अहिलेसम्ममा धेरैजसो गाउँ सम्मेलनहरू भइसकेको र आजदेखि क्षेत्रीय सम्मेलनहरू सुरु हुने एकीकृत माओवादीले जनाएको छ । हिजो बसेको पार्टीको विस्तारित बैठकले पहिलो महाधिवेशन मकवानपुरको हेटौडामा गर्र्ने निर्णय गरेको थियो । महाधिवेशन माघ २० गतेदेखि हेटौडामा हुने र फागुन १ गते राजधानीमा घोषणासभा गरिने कार्यक्रम तय भएको माओवादीले जनाएको छ ।
Binod gaire
मंसिर २३ गते, २०६९ मा प्रकाशित
