मंसिर २४ गते, २०६९ मा प्रकाशितकाठमाडौं । प्रधानमन्त्री डा. बाबुराम भट्टराईले उच्च राजनीतिक तथा प्रशासनिक तहबाटै मलजल पाएकाले भ्रष्टाचारविरुद्धको आफ्नो अभियान सफल हुन नसकेको बताउनुभएको छ । सरकारको नेतृत्व गरेदेखि नै आफूले भ्रष्टाचार अन्त्यका लागि पहल गरे पनि भ्रष्टाचार अन्त्य हुनुको साटो भ्रष्टाचारीबाट आफ्नै अन्त्य हुने खतरा बढेको उहाँले टिप्पणी गर्नुभयो । भ्रष्टाचारविरुद्धको अन्तर्राष्ट्रिय दिवसको सन्र्दभमा आज अख्तियार दुरुपयोग अनुसन्धान आयोगले गरेको कार्यक्रममा प्रधानमन्त्री भट्टराईले ऐन, कानूनमै सुधार गरेर भ्रष्टाचारको अन्त्यका लागि आफूले पहल थाल्ने बताउनुभयो ।
अख्तियारमा पदाधिकारी नियुक्तिका लागि अध्यादेश ल्याउन निर्णय गरे पनि जारी हुन नसकेका कारण काम गर्न नसकिएको प्रधानमन्त्रीको तर्क थियो । कार्यक्रममा ट्रान्सफरेन्सी इन्टरनेशनल नेपालका अध्यक्ष बिष्णुबहादुर केसी, पत्रकार महासंघका सभापति शिव गाउँलेले भ्रष्टाचार अन्त्यका लागि नीतिगत तहबाटै सुधार हुनुपर्ने बताउनुभयो ।
अन्य समाचारहरु
