पाल्पा जिप दुर्घटनामा दुई जनाको मृत्यु, घाइतेहुनेमा अर्घाखाँचीकी एक महिला पनि

 बुटवल । रूपन्देहीको सैनामैनाबाट पाल्पाको कचलका लागि छुटेको जिप दुर्घटनामा दुई जनाको मृत्यु भएको छ। लु१ज २२४७ नम्बरको जीप दुघर्टनमा परी ४ जना घाइते भएका प्रहरीले जनाएको छ।

 

उक्त दुघर्टनामा सन्धिखर्क ७ अर्घाखाँचीकी बसुन्धारा घाइते भएकी छन। भने उनको थर थाहा हुन सकेको छैन । 

 

दुघर्टनामा परी कचल ९ की ४२ वर्षीया मीना खड्का र रुपन्देही पर्रोहा गाविस ४ की ३५ वर्षीया गंगा बगालेको मृत्यु भएको प्रहरी नायव उपरीक्षक स्थानेश्वर रेग्मीले जानकारी दिए ।

 

सन्धिखर्ककी बसुन्धारा सहित पाल्पा कचलकी २७ वर्षीया मीना खड्का, ४० वर्षीया लक्ष्मी पुरी, ५६ वर्षीया बालकुमारी पुरी घाइते भएका छन्।

 

घाइतेको लुम्बिनी अञ्चल अस्पतालमा उपचार भइरहेको छ। मृतक दुबैजनाको अस्पतालमा उपचारकै क्रममा मृत्यु भएको हो। प्रहरीका अनुसार ओरालोमा रोकि राखिएको जिप व्याक भएर दुर्घटना भएको हो।