ढिकुरामा वार्ड भेला तथा डकुमेन्ट्री प्रदर्शन

 

ढिकुरा, अर्घाखाँची । अर्घाखाँचीको ढिकुरा गाविसको वार्ड न. ८ मा रहेको दिपेन्द्र निमाबीमा वार्ड भेला तथा डकुमेन्ट्री प्रदर्शन कार्यक्रम  आज सम्पन्न भएको छ । ढिकुरा गाविसलाइ २०७० सालको  असार मसान्त सम्म खुल्ला दिसामुक्त घोषणा गर्ने उदेश्यका साथ कार्यक्रम सम्पन्न भएको हो ।

कार्यक्रममा गाउ स्तरिय खानेपानी तथा सरसफाइ स्वचछता समन्वय समितिका कार्यदल संयोजक गिरीप्रसाद पोख्रेल, गाविसका प्रतिनिधि गणेशप्रसाद पोख्रेल, स्वच्छता समन्वय समितिका ज्ञानहरी खनाल, सदस्य गिरीराज पोख्रेल, दिपेन्द्र निमाबीका प्रधनाध्यापक ऋषिराम पौडेल, सिसेकका सहजकर्ता प्रेम आचार्य लगायतले सहजीकरण गरेका थिए ।

भेलाले अमर पराजुलीको संयोजकत्वमा १५ सदस्यीय वाड स्तरिय खानेपानी सरसफाइ तथा स्वच्छता समन्वय समितिको समेत गठन गरेको छ  ।

जसको सदस्यहरुमा टेकलाल भारती, रिखबहादुर थापा, पदम केसी, कमला गिरी, ललिता खासु, रेमकला खत्री, खुमबहादुर खत्री, सुरतबहादुर सोमै, दिपबहादुर पुन, शिबबहादुर बरौले, सान्ता बिक, कबिता नेपाली, टिकाराम भारती र ऋषिराम पौडेल रहेका छन ।

कार्यक्रम दिपककुमार बरौलेको संचालनमा सम्पन्न भएको हो ।