वरिष्ठ साहित्यकार पूर्णप्रकाश नेपाल यात्रीको आज विहान निधन भएको छ ।
श्वाशप्रश्वास सम्बन्धी रोगबाट पीडित साहित्यकार यात्रीको काठमाडौंस्थित नेपाल मेडिकल कलेजमा उपचारका क्रममा आज विहान ७९ वर्षको उमेरमा निधन भएको परिवारजनले जनाएका छन् । उनका दुई पत्नी र ७ छोरा छन् ।
साहित्यकार यात्रीले लेखनकै शिलशिलामा मुलकका पचत्तर जिल्लाको भ्रमण गरिसकेका छन् । उनका विभिन्न विधामा ७५ वटा कृति प्रकाशित छन् ।
पौष ६ गते, २०६९ मा प्रकाशित
