पौष १६ गते, २०६९ मा प्रकाशित
कोमल भट्ट
अमेरिका
******
नव वर्ष फुलोस फलोस मेरो शुभकामना
वैरभाव र विरोध ढलोस मेरो शुभकामना
दिदीबहिनी,दाजुभाइ,देश र विदेश सबमा
सदभावको दीप बलोस मेरो शुभकामना
रातो दिनको खिचातानी,छल र बेइमानी
खरानी भै छिट्टै जलोस मेरो शुभकामना
हाम्रो शान र अस्तित्वमा धावा बोल्न खोज्ने
लुटाहारको मस्तक गलोस मेरो शुभकामना
सयौँ थुँगा फूलको माला सजाइ नेपालको
उन्नतिमा पाइला चलोस मेरो शुभकामना
नयाँ वर्ष 2013 को उपलक्षमा देश भित्र तथा बाहिर रहनुभएका सम्पूर्ण
दिदीबहिनी,दाजुभाइ,मित्रगण तथा आफन्तजनहरुमा हार्दिक मङ्गलमय शुभकामना ब्यक्त गर्दछु l – कोमल भट्ट,अमेरिका
