नेकपा माओवादीको केन्द्रीय समितिको बैठक आज पनि बस्दैछ । तीन दिनदेखि जारी बैठक आज सक्ने तयारी भएको प्रवक्ता पम्फा भुसालले जानकारी दिनुभयो । बैठकमा बोल्ने नेताहरुले आज आ आफ्नो धारणा राखिसकेपछि अध्यक्ष मोहन वैद्य र महासचिव रामबहादुर थापाले जवाफ दिए पछि बैठक सम्पन्न हुने नेताहरुले जानकारी दिएका छन् ।
बैठकमा आगामी रणनीति र जनसंघर्षका कार्यक्रमका विषयमा पनि छलफल भइरहेको छ । आजको बैठकाबाट पार्टीले तय गरेका सरकार विरोधी आन्दोलनका कार्यक्रम सार्वजनिक गर्ने तयारी भएको प्रवत्ता भुसालले जानकारी दिनुभयो । बैठकमा महाधिवेसनले लिएको कार्यनीति र यसअघि नै अघि सारेका ७० बुँदे मागबारे पनि छलफल भइरहेको छ ।
माघ १० गते, २०६९ मा प्रकाशित
