शुक्रवार एमाले अर्घाखाँचीकोको जिल्ला अधिवेशन, नेतृत्वका लागि ध्रुविकरण (कुन नेता कुन पक्षमा पूर्ण विवरण सहित)

नेकपा एमाले अर्घाखाँचीको सातौ जिल्ला अधिवेशन शुक्रवार संन्धिखर्कमा हुने भएको छ । जय सन्तोशीमाँ चलचित्र मन्दिर संन्धिखर्कमा हुने अधिवेशनमा एमाले सचिव शंकर पोख्रेल ,पोलिट व्युरो सदस्य छविलाल विश्वकर्मा,केन्द्रिय सदस्य नजिर मिया ,सोमनाथ प्याशी लगायतका नेताहरुले सम्बोधन गर्ने जनाईएको छ । 

करिव चार सय प्रतिनिधि सहभागी हुने अधिवेशनको तयारी पुरा भएको एमाले प्रचार विभाग प्रमुख पे्रमनारायण गैरेले बताउनु भयो । जिल्ला सदरमुकाम संन्धिखर्कमा केन्द्रिय नेताहरु र सहभागिहरु आउने क्रम जारी रहेको एमालेले जनाएको छ । अधिवेशन संपन्न गर्न  बिभिन्न सात ओटा उप समिती बनाएको एमालले सदरमुकाम संन्धिखर्कलाई तुल र व्यानरले दुलही झै सिगारेको छ । 

सदरमुकाममा एमाले कार्यकर्ताहरुको जमघटले चहल पहल बढेको छ । चिया पसल र प्रत्येक चोक चोकमा जम्मा भएका एमाले कार्यकर्ता तथा अन्य दलका कार्यकर्ताहरु एवम् स्थानिय बासिन्दाहरु बिच एमालेको जिल्ला अधिवेशन बाट चुनिने नया नेतृत्वको बारेमा चर्चा परिचर्चा चलेको छ । 

जिल्ला अधिवेशनमा हुने नेतृत्व चयनको बिषय लाई लिएर एमाले भित्र धुव्रिकरण सुरु भएको छ । आफु नेतृत्वमा जानका लागी नेताहरुले जिल्लामा बिभिन्न गुट र उपगुट समेत निर्माण गरेका छन् । जिल्लामा सामान्यतया अस्थाई खाले ३ -४ ओटा गुट उपगुटहरु बन्ने गरेको भएपनि पछिल्लो समयमा एमाले नेताहरु २ गुटमा बिभाजन भएका छन् । 

एमाले नेता के. पि ओलिको प्रभाव क्षेत्र मानिएको अर्घाखाँचीमा केहि ओली निकटका व्यक्तिहरु समेत खनाल निकटका नेताहरु लाई सहयोग गर्न पुगेपछि दुवै पक्षको स्थिती मजवुद बनेको छ । एमाले अर्घाखाँचीमा हाल सम्म अन्य पदहरुमा निर्वाचन भए पनि प्रमुख पद भने सहमतिमै चयन हुने गरेको थियो ।

नेताहरुले आ-आफ्नोगुटको गोप्य रुपमा प्यानल समेत बनाई सकेकाले शुक्रवार राती सम्म नाटकिय परिर्वतन नभएमा चुनाव हुने प्राय निश्चित भएको छ । जिल्लाका अनुभवि र प्रभावशाली नेताहरु अध्यक्ष हुने दौड धुपमा लागेका कारण कार्यकर्ताहरु कसलाई निर्वाचित गर्ने भन्ने दुविधामा परेका छन् । वलि निकटबाट दुई पटक  जिल्ला सचिव बनेर काम गरि सकेका राष्ट्रिय प्रतिनिधि परिषद सदस्य चेत नारायण आचार्य र पर्ुव जिल्ला सचिव तथा अहिलेका उपाध्यक्ष जनार्दन खनाल मध्ये एक जनाले उम्देदारी दिने जनइएको छ ,भने संस्थापन पक्षबाट अहिलेका अध्यक्ष रामजी प्रसाद घिमिरे उम्मेदार हुने भएका छन् । दुवै पक्षले आ-आफ्नो गुटका प्यानल समेत गोप्य रुपमा निर्माण गरेको सो्रत ले जनाएको छ । दुवै पक्षले केहि युवा नेताहरु लाई समेत पदाधिकारीको निम्ती आ-आफ्नो गुट बाट उम्मेदार बनाउने तयारी मा रहेको जनाइएको छ । 

यो समचार तयार पार्दा सम्म आफुलाई स्वतन्त्र भन्न रुचाउने हरुमा पवित्रा पौडेल,दल बहादुर भट्टर्राई ,कुलदिप भुसाल ,कृष्ण प्रसाद श्रेष्ठ, कृष्ण प्रसाद पौडेल आदि रहेका छन् ।

दुवै पक्षले यि स्वतन्त्र नेताहरुलाई आफ्नो पक्षमा ल्याउने प्रयासमा लागि परेको जनाईएको छ । 

नेताहरु गुट उपगुटमा विभाजित भई  प्यानलनै खडा गरेर निर्वाचन मा जान लागेको प्रति कार्यकर्ता भने आक्रोशित बनेका छन् । जिल्लामा एमालेको सवै भन्दा बलियो संगठन र जनाधार हुँदा हुदै पनि विगतका संसदिय निर्वाचन तथा संविधान सभाको निर्वाचनमा जिल्ला नेतृत्व बिच तालमेल नहुँदा हार ब्यहोर्नु परेको तितो अनुभव नेता हरुले बिर्सिएको उनीहरुको गुनासो छ ।

कुन नेता कुन पक्षको भन्दा पनि कस्लाई नेतृत्व दिए पार्टी एक ठिक्का हुन्छ र कार्यकर्ताको मनोवल बढ्छ तथा आगामी निर्वाचनमा एमालेलाई विजयी बनाउन सकिन्छ भन्ने निष्कर्षा साथ र्सव सहमत रुपमा नेतृत्व चयन गरेर अगाडी बढ्नु पर्ने कार्यकताको माग छ ।