नेकपा माओवादीको बन्दले अर्घाखाँचीको जनजीबन प्रभाबित/बन्दकर्ता द्धारा ३ जीप र ५ मोटरसाइकल नियन्त्रणमा (तस्विर सहित)

नेकपा माओवादीले आहृवान गरेको नेपाल बन्दले अर्घाखाँचीको जनजीवन विहानै देखि प्रभावित भएको छ । सडकमा सवारी साधन पनि गुडेका छैन्न भने बजार पसल ,शिक्षण संस्था कलकारखना पनि सवै ठप्प छन् । बन्द कर्ताहरु चोक चोकमा जम्मा भएर बन्द गराउदै हिडेका  छन । 

अन्य बन्दको दिनमा फाट्ट फुट्ट सवारी साधन चल्ने गरेको भए पनि आजको बन्दमा सडकमा सुरक्षाकर्मीको सवारी साधन र केही प्रेस टाँसिएका मोटर साइकल मात्रै चलेका छन् । 

बन्दकर्ताले गोरुसिंगे सन्धिखर्कको ठाडा चाक्लाबबाट ३ वटा जीप र ५ वटा मोटरसाइकल नियन्त्रणमा लिएको माओबादी अर्घर्ााँचीका सेक्रेटरी बाबुराम घिमिरे भुबनले बताएका  छन ।

  

गोरुसिंगे सन्धिखर्क लगायतका सडक खण्डमा गाडी चलेका छैनन । सन्धिखर्क प्युठान, सन्धिखर्क तम्घास, सन्धिखर्क तानसेन सडकखण्डमा पनि गाडी चलेका छैनन । बैद्यका कार्यकर्ताहरुले हिजो दिनभरि जिल्लाका विभिन्न मागमा माइकिङ गरेर बन्द सफल बनाउन आग्रह गरेका थिए ।