विश्वमा स्तन क्यानसरबाट पीडित महिलाहरु मध्ये अन्य देशको तुलनामा बेलायतका महिलाहरु बाँच्ने सम्भावना कम हुने एक अध्ययनले देखाएको छ ।
जर्नल अफ क्यान्सरका अनुसन्धानकर्ताहरुले हालै बेलायत, क्यानाडा, अष्ट्रेलिया, डेनमार्क, नर्वे र स्वीडेन लगायतका राष्ट्रमा गरेको अनुसन्धानमा अन्य मुलुकको तुलनामा बेलायतमा स्तन क्यान्सरबाट पीडित महिलाहरुको चाँडो मृत्यु हुने गरेको देखाएको हो ।
बेलायतमा स्तन क्यान्सरबाट पिडित महिला मध्ये २८ प्रतिशतको तीन वर्षमै मृत्यु हुने गरेको अध्ययनले देखाएको छ ।
स्वीडेन लगायत अन्य मुलुकका भने स्तन क्यान्सरबाट पीडित महिलाहरु मध्ये ४२ प्रतिशत बाँच्ने गरेको पनि अध्ययनले देखाएको छ । अन्य मुलुकको तुलनामा बेलायतमा स्तन क्यान्सरबाट पीडित महिलाहरुले समयमा उपचार नगराउने र रोगप्रति बेवास्ता गर्ने गरेको पनि अध्ययन प्रतिवेदनमा उल्लेख छ ।
–
एजेन्सी
फाल्गुन २२ गते, २०६९ मा प्रकाशित
