बालपत्रकारले लिए अर्घाखाँचीका सहायक सिडिओ खनालको अन्तरवार्ता

सन्धिखर्क, अर्घाखाँची – सञ्चार जगतमा आकर्षण बढ्दै गैरहेका बेला जिल्लामा नयाँ बालपत्रकारको उदय भएको छ । उनले विहीबार अर्घाखाँचीका सहायक प्रमुख जिल्ला अधिकारी भेषराज खनालसँग जिल्लाको समसामयिक, शान्ति सुरक्षा, जनताले पाउने प्रशासनिक सेवा लगायतका विषयमा झण्डै ३५ मिनेटसम्म अन्तरवार्ता लिए । 

अर्घाखाँची फुदवाङको जेनिथ ई∙लिस बोडिङ स्कुल कक्षा ४ मा पढने १० वर्षीय बालक मिशन केसीले खनालसँग  जिल्ला प्रशासन कार्यालयमै गएर अन्तरवार्ता लिएका हुन । उनी जिल्लामै पहिलो बाल पत्रकार हुन । निकै जोसिला, हसिला, भद्र रुपका देखिने केसीले अन्तरवार्ता लिदा खनाल पनि खुसी देखिन्थे । उनी टाई कोट, पाईन्ट र टोपी लगाएर दह्रोसँग कुराकानी गरे ।

अन्तरवार्तामा स-प्रजिअ खनालले खुसीसाथ प्रश्नको उत्तर दिए । मिसनले खनालसँग प्रशासनबाट हुने सेवा, जिल्लाको शान्ति सुरक्षा, आपराधिक घटना, नरपानीको बन्द चुनढुंगा उत्खनन, राजनीति र प्रशासनको सम्बन्धका बारेमा अन्तरवार्ता लिए ।

राष्टको चौथो अंगको रुपमा रहेको सञ्चार क्षेत्रमा सानै उमेर देखी रुचि राखेकोमा खनालले केसीलाई धन्यावाद दिए । अन्तरवार्ता लिने केसी अर्घाखाँची डट्कमसँग सम्बन्धित छन । उनको पत्रकारितातर्फ रुचि छ । 

मिशनले लिएको अन्तरवार्तालाई नियाल्न अर्घाखाँची डट्कमका सम्पादक वीरेन्द्र केसी, डटकमका फोटो पत्रकार राजु टण्डन र सहयोगी हरिबहादुर खडका समेत सहभागी भएका थिए ।