कालिकोट । स्थानीयवासीले आज तेस्रो दिन पनि कालिकोट बन्द गराएका छन् । बन्दले जनजीवन प्रभावित बनेको छ ।
बन्दले यातायातका साधन चल्न सकेका छैनन् । शैक्षिकसंस्था र बजार बन्द छन् । कर्णाली कोरिडोर, हिल्सा सडक निर्माणको काम नेपाली सेनालाई दिनुपर्ने, सुनथराली बिमानस्थल संचालनमा ल्याइनुपर्ने, पोदमारा बिद्युत गृहलाई पुनर्निर्माण गर्नुपर्नेलगायतका माग राख्दै कालिकोट बन्द गराइएको हो ।
स्थानीयको बन्दलाई राजनीतिक दलहरुले पनि समर्थन गरेका छन् । बन्दकै कारण जिल्ला बिकास समितिको १६ औ जिल्ला परिषद पनि अवरुद्ध बन्यो ।
– RSS
फाल्गुन २९ गते, २०६९ मा प्रकाशित
