काठमाडौं । क्यानडामा कारागारबाट दुई जना कैदी हेलिकप्टर चढेर भाग्न सफल भएपछि सनसनी मच्चिएको छ । कैदीहरु मन्ट्रियल नजिक रहेको सेन्ट जेरोम कारागारमाथि उडिरहेको हेलिकप्टरबाट तल फालिएको डोरीमा चढेर भागेका अन्तर्राष्ट्रिय समाचार माध्यमहरुले जनाएका छन् ।
स्थानीय समय अनुसार दिउँसो करिब साँढे दुई बजे भएको घटनामा भगुवा कैदीहरु घाईते भएको बताइएको छ । प्रहरीले भागेको एक जना कैदीलाई भने पक्राउ गर्न सफल भएको जनाएको छ ।
पं्रहरीले हेलिकप्टरका पाइलटलाई पनि सोधपुछका लागि नियन्त्रणमा लिएको छ ।
घटनामा प्रयोग गरिएको हेलिकप्टर ट्रेवल कम्पनीबाट चोरिएको र हेलिकप्टर पछि कारागारबाट ८५ किलोमिटर टाढा फेला परेको अधिकारीहरुले जनाएका छन् ।
AGENCIES
चैत्र ६ गते, २०६९ मा प्रकाशित
