नेपाल पत्रकार महासंघको नवौँ साधारणसभा आज पोखरामा सुरु हुँदै छ ।
साधारणसभाको कार्यबाहक प्रधानन्यायाधीश दामोदरप्रसाद शर्माले दिउँसो ३ बजे पोखरा सभागृहमा उद्घाटन गर्ने कार्यक्रम रहेको छ ।
देशभरका एक हजार तीन सय पत्रकार प्रतिनिधि सहभागी हुने साधारणसभामा सांगठनिक प्रतिवेदन, विधान संशोधन, आर्थिक प्रतिवेदनलगायतका विभिन्न प्रतिवेदनमाथि छलफल हुनेछ ।
यस्तै साधारणसभामा प्रेस तथा अभिव्यक्ति स्वतन्त्रता, पत्रकारको भौतिक र पेसागत सुरक्षा, श्रमजीवी पत्रकारहरूको न्यूनतम पारिश्रमिक तथा आगामी संविधानसभा चुनावमा पत्रकारले खेल्नुपर्ने भूमिकालगायतका विषयमा छलफल हुने महासंघका केन्द्रीय सचिव जगत नेपालले जानकारी दिनुभयो ।
चैत्र ९ गते, २०६९ मा प्रकाशित
