चैत्र २७ गते, २०६९ मा प्रकाशितत्यस्तै पूँजीगत खर्चतर्फ ६६ अर्ब १३ करोड रुपैयाँ विनियोजन गरिएको छ । यसैगरी वित्तिय व्यवस्थापनतर्पm ५९ अर्ब ६७ करोड विनियोजन गरिएको छ । सरकारले संविधानसभाको चुनावका लागि ६ अर्ब रुपैयाँ विनियोजन गरेको छ भने चुनावी सुरक्षा प्रबन्धका लागि ८ अर्ब रुपैयाँ विनियोजन गरेको छ ।
चालु आर्थिकवर्षमा तेस्रो पटक बजेट सार्वजनिक गरिएको हो । तर, पूर्ण आकारको बजेट भने यस पटक ल्याइएको हो । बजेट अध्यादेश सार्वजनिक गर्दै अर्थमन्त्री शंकरप्रसाद कोइरालाले समग्र आर्थिक गतिविधिलाई गतिशिलता प्रदान गर्न पूर्ण आकारको समायोजित बजेट ल्याइएको बताए ।
उनले निजी क्षेत्र आर्थिक विकासको संवाहक भएको भन्दै सरकार तीन खम्बे अर्थ नीतिलाई प्रभावकारी बनाउन प्रतिबद्ध रहेको पनि बताए ।
सरकारले कृषि उत्पादनलाई बढावा दिई आयात प्रतिस्थापनतर्फ केन्द्रित हुने नीति अवलम्ब गर्ने पनि जनाएको छ । उर्जा तथा यातायात र पूर्वाधारको क्षेत्रमा लगानी बढाउने र जलस्रोत क्षेत्रमा निजी क्षेत्रलाई लगानी गर्ने बातावरण बनाउने दाबी पनि सरकारले गरेको छ ।
आयात प्रतिस्थापन गर्न निकासीमैत्री नीति अबलम्बन गर्ने नीति सरकारले लिएको पनि अर्थमन्त्रीले बताए । मन्त्री कोइरालाले माछा पालक कृषकको लगानीको ५० प्रतिशत हिस्सा सरकारले व्यहोर्ने पनि बताए ।
अन्य समाचारहरु
