बर्दिया । बर्दियाको बेलुवा गाउँ विकास समितिस्थित बबई चिसापानीमा भीषण आगलागी भएको छ । आगलागीबाट चेपाङ परिवारका ९३ घर जलेर नष्ट भएका छन् । गएराति १२ बजेदेखि लागेको आगो आज बिहान ६ बजेपछि मात्र नियन्त्रणमा आएको प्रहरीले जनाएको छ ।
आगलागीबाट १ सय ५० परिवारको विचल्ली भएको छ । आगलागीबाट एक करोडको क्षति भएको बताइएको छ । आगलागी पीडितलाई तत्काल राहत सामग्री उपलव्ध गराउन विभिन्न जिल्लामा रहेका रेडक्रसलाई आग्रह गरिएको भेरी अञ्चलका प्रहरी प्रमुख मधुप्रसाद पुडासैनीले दिए ।
आगलागी पीडितलाई पुडासैनी र बर्दियाका प्रहरी प्रमुख सुशीलजंग शाहले तत्कालका लागि आफ्नातर्फबाट ५० हजार रुपैयाँ सहयोग गरेका छन् ।
आगलागीबाट करोडौंको क्षति भएको जनाइएपनि क्षतिको यकिन विवरण भने प्राप्त भइसकेको छैन ।
बाँके, बर्दिया, र सुर्खेतबाट गएको प्रहरी टाली, नेपाली सेना, सशस्त्र प्रहरी, दमकल र स्थानीयवासीले आगो नियन्त्रणमा लिएका थिए ।
RSS
बैशाख ४ गते, २०७० मा प्रकाशित
