– बाबु रोका मगर”अपरिचित”
असुरकोट-९,जोगिटारी,अर्घाखाँची
जन्म लिनु भन्दा पहिले नै पेट मा लात हिर्काउँछ शिशु
कुनै परवाह् नगरि आफ्नो हिस्सा लिउछ शिशु |
जन्म लिएपछी आफ्नो आमाको छातीमा टाँसिन्छ शिशु
बाँच्न को लागि भए पनि आमाको दुध पिउछ शिशु |
बर्णमाला सिख्नु भन्दा पहिले नै आमा भनेर बोल्छ शिशु
आमा लाई नजिक न देख्दा रुन लाग्छ शिशु |
आमाको दुई औंला समातेर धर्तिमा ताते-ताते गर्छ शिशु
नाता साईनो यिनिहरुको पनि आमा बाट नै सिक्छ शिशु |
सहयोग को लागि पनि आमा भनेर पुकार छ शिशु
जब दौड्दै आउछिन आमा खुशी हुन्छ शिशु |
शिशुलाई तयारी गराइ स्कुल पठाउछिन आमा
सानो चोट लाग्दा पनि रुन लाग्छीन आमा |
भोक तिर्खा सबै को चिन्ता गर्छिन आमा
आफु भोकै बसेर भएपनि शिशु को पेट भरीदिन्छिन आमा |
शिशुलाई हरपल ठुलो भएको देख्छीन् आमा
अबेर घर आउने कारण बुझ्छीन् आमा |
झुट बोल्दा पनि माफ गर्छिन आमा
चोट पुर्याउदा पनि अंगालो मार्छिन् आमा |
घर मा बुहारी आउँदा पराय हुन्छिन आमा
आफ्नो अनादेखी मा पनि चुपचाप बस्छीन् आमा |
अब चार साँझ को साटो दुई साँझ खाना खान्छिन आमा
स्वर्ग जस्तो घर को साटो ब्रिद्दाआश्रम मा देखीन्छिन् आमा
मुहार मा शुन्य भाव लिई भगवानको नाम जब्छीन् आमा
छोरा-बुहारी को लडाईं झगडाको मर्म बुझ्छीन् आमा |
बैशाख २० गते, २०७० मा प्रकाशित
