अर्घाखाँचीमा वेपत्ता योद्धा परिवारलाई सम्मान

नेकपा माओवादी अर्घाखाँचीले वेपत्ता योद्धा परिवारलाई आज संन्धिखर्कमा सम्मान गरेको छ । जनयुद्धको समयमा सरकार द्धारा वेपत्ता बनाइएकी बागी गाविसकी मिना खड्काका वृद्ध पिता ऋषिराम खड्का लाई एक कार्यक्रमका बिच संन्धिखर्कमा दोसल्ला ओढाएर सम्मान गरिएको हो।

कार्यक्रममा मन्तव्य राख्दै नेकपा माओवादीका केन्द्रिय सदस्य भेषराज भुसालले सहिद परिवार र वेपत्ता परिवारका समस्या प्रति राज्य उदासिन भएको भन्दै सहिदका सपना क्रान्ति बाटै पुरा गर्ने बताउनु भएको छ ।

माओवादी जिल्ला ईन्चार्ज भोलानाथ बस्यालको अध्यक्षता र सेक्रेटरी बावुराम घिमिरे भुवनको संचालनमा सम्पन्न कार्यक्रममा क्रान्तिकारी पत्रकार महासंघका केन्द्रिय सचिवालय सदस्य शोभाखर पन्थी ,पत्रकार महासंघका जिल्ला उपाध्यक्ष हिम बहादुर जि.सी लेकाली लगायतले मन्तव्य राख्नु भएको थियो ।