सितापुर गाविस खुल्ला दिसा मुक्त

 

सितापुर, अर्घाखाँची । अर्घाखाँचीको सितापुर गाविस जिल्लाको चौथो खुल्ला दिसा मुक्त क्षेत्र घोषणा भएको छ ।

प्रमुख जिल्ला अधिकारी गोविन्द मणि भुर्तेलले एक औपचारिक कार्यक्रमका बिच गाविसलाई खुल्ला दिसा मुक्त गाविस घोषणा गर्नु भएको हो ।

 

कार्यक्रममा प्रमुख जिल्ला अधिकारी गोबिन्दमणि भुर्तेलले सरसफाइको क्षेत्रमा सितापुर बासीले एक फड्को मारेको उल्लेख गर्दै यस कार्यलाइ निरनतरता प्रदान गर्न आग्रह गर्नु भयो । उहाले सुरक्षित चर्पीको प्रयोग संगै साबुन पानीले पनि हात धुदा  अधिकांस सरुवा रोगबाट बच्न सकिने पनि उल्लेख गर्नु भयो ।

स्थानीय बिकास अधिकारी हेमराज भुसालले स्थानीय बासिन्दाको सक्रियतामा गाविस नमुना बनेकोमा धन्यबाद ब्यक्त गर्दै निरन्तरता प्रदान गर्न आग्रह गर्नु भयो । कार्यक्रममा जिल्ला खानेपानी कार्यलयका इन्जीनीयर राजेन्द्र न्यौपाने, जिल्ला अस्पताल अर्घाखाँचीका डाक्टर यमनारायण देबकोटा, जिल्ला शिक्षा कार्यलयका उपसचिब नरेन्द्र बेल्बासे,  एकिकृत नेकपा माओबादीका जिल्ला संयोजक गोबिन्द केसी, नेपाली काग्रेसका जिल्ला सभापति कमल प्रसाद भुसाल, सचिब बासुदेब आचार्य एमालेका जिल्ला उपाध्यक्ष जीबनारायण केइराला , राजमोका पदम केसी, रेडक्रसका सभापति शम्भु पोख्रेल, गाविस सचिब हकहित संरक्षण केन्द्रका अध्यक्ष चन्द्रप्रसाद बन्जाडे, युएन ह्याबिटाटका जिल्ला सयोजक बिष्णु दवाडी, नेस्ट नेपाल र सिसेकको तर्फबाट बिनोद प्रसाद शर्मा, ्रइकार्डस र प्रागको तर्फबाट प्रेमनारायण गैरे लगायतले  मन्तब्य राखेका थिए ।

कार्यक्रम गाविस स्तरीय खानेपानी तथा सरसफाई स्वच्छता समन्वय समितिका अध्यक्ष तथा गाविस रामप्रसाद भटराइको अध्यक्षता, र यादब घिमिरेको सञ्चालनमा सम्पन्न भएको हो ।