काठमाडौं । काठमाडौंको लाजिम्पाटमा रहेको होटल सांग्रीलाको क्यासीनो भवनमा आज आगलागी भएको छ ।
क्यासीनोको तीन तले भवनको किचनबाट आगो सल्किएको थियो । किचनमा विद्युत शर्ट भई आगलागी सुरु भएको बताईएको छ । तीनवटा वारुणयन्त्र तथा सुरक्षाकर्मी र स्थानीयवासीन्दाको झण्डै दुई घण्टाको प्रयासपछि आगलागी नियन्त्रणमा आएको थियो ।
क्यासीनो भवनबाट सल्किएको आगो होटलमा समेत फैलने डरले त्यहाँ रहेको पर्यटकहरु सुरक्षीत स्थानतर्फ लागेका थिए ।
होटल आसपासको वातावरण सामान्य भइरहेको छ । क्यासिनो विल्डिङको तीनवटा तलामा भौतिक क्षती पुगेको छ तर क्षतिको वास्तविक विवरण आइसकेको छैन । समयमै सुरक्षाकर्मी र वारुणयन्त्र आइपुगेकाले ठूलो क्षती भने नभएको बताइएको छ ।
RSS
जेष्ठ २२ गते, २०७० मा प्रकाशित
