प्रकाश अधिकारी
दैलेख – दैलेखको राकमकर्णालीबाट सुर्खेततर्फ आउँदै गरेको बस दैलेखको नेपा गाविस ५ सियालामा दुर्घटना हुँदा ६ जनाको मृत्यु भएको छ ।
मृत्यु हुनेहरुमा दैलेखको सिंगौडी गाविस ९ का ३४ वर्षीय तर्कबहादुर कार्की, ४५ वर्षीय हर्कबहादुर विक, ५५ वर्षीय भोगे कामी र अछाम पुलेतोला गाविस ५ का ६ महिने बालक क्षितिज रावल, अछाम रानीवन १ की ३९ वर्षीय देउकला विष्ट र काशी विष्ट छन् । विष्ट र साउदको सुर्खेतमा मृत्यु भएको हो ।
कार्की सिंगौडी ९ स्थित नेरानिमाविका शिक्षक हुन् । मृत्यु हुने तीनैजना एकै गाउँका हुन् । एकै गाउका तीन जनाको मृत्यु भएपछि जाक्सी गाउँ शोकमग्न छ ।
जिल्ला प्रहरीका अनुसार कालिकोटबाट छुटेको मध्यपश्चिम यातायात ना. ३ ख ४७३८ नम्बरको बस बुधबार विहान सियाला खोलामा दुर्घटना भएको हो । दुर्घटनामा परी ४० जना घाईते भएका छन् । तीमध्ये आधा जतिको अवस्था गम्भीर छ । घाईतेलाई सार्वजनिक बसमार्फत सुर्खेत लगिएको छ । ब्रेक हान्दा चिप्लिएर दुघर्टना भएको हुनसक्ने प्रहरीको अनुमान छ । बस सडकबाट अन्दाजी १ सय ५० मिटर तल खसेको थियो ।
जेष्ठ २२ गते, २०७० मा प्रकाशित
