रौतहट । पूर्वराजा ज्ञानेन्द्र शाहले समय आएपछि जनताको चाहना अनुसार आफू सक्रिय हुनसक्ने बताएका छन् । तराईका जिल्लाहरुको भ्रमणका क्रममा रौतहटको गौर पुगेका पूर्व राजाले सिया प्यालेस होटलमा सञ्चारकर्मीसँग कुरा गर्दै उक्त कुरा बताएका हुन् ।
अझै समय आईनसकेको भन्दै उनले आफू पनि प्रतीक्षामै रहेको बताए । निष्पक्ष रुपमा संविधानसभाको निर्वाचन सम्पन्न गराएर नेपाली जनतालाई अधिकार सम्पन्न बनाउन पनि पूर्व राजाले नेताहरुलाई सुझाव दिए ।
निर्वाचनलाई प्रजातान्त्रिक अभ्यासको रुपमा लिनुपर्ने भन्दै पूर्व राजाले निर्वाचन निष्पक्ष र धाँधलीरहित हुनुपर्ने तथा सबैले भाग लिने वातावरण बन्नुपर्ने बताए ।
पूर्व राजाले आज गौरस्थित शिवालयमा पूजाआजा गरेका थिए । त्यस क्रममा उनले सर्वसाधारण तथा शुभचिन्तकहरुसँग भेटघाट समेत गरेका थिए ।
RSS
आषाढ़ ५ गते, २०७० मा प्रकाशित
