हुम्ला, असार ५ । हुम्लाको मुचु गाउँ विकास समिति वडा नम्बर ७ स्थित तुमकोटमा आज फिस्टेल एयरको हेलिकप्टर दुर्घटना भएको छ ।
चालकसहित ६ जना सवार हेलिकप्टर दुर्घटनामा परी एक जनाको मृत्यु भएको छ । मृतक टेकबहादुर पातली हुम्ला टावरका प्रमुख रहेको प्रहरीले जनाएको छ ।
दुर्घटनामा परी ५ जना घाईते भएका छन् । घाईतेमध्ये हेलिकप्टर चालक ईटालियन नागरिक डेभिड, फिस्टेल एयरका दिलक श्रेष्ठ र हुम्लाकै गोविन्द लामाको अवस्था गम्भीर भएको बताईएको छ । अन्य घाईतेहरु प्रजोल भट्टराई र एडी. शेर्पाको अवस्था भने सामान्य छ ।
हिल्साबाट सदरमुकाम सिमिकोट आउँदै गरेको उक्त हेलिकप्टर मुचुमा आईपुग्दा दुर्घटना भएको हो ।
RSS
आषाढ़ ५ गते, २०७० मा प्रकाशित
