कोमल भट्ट
पुरानो नैकाप -७ ,काठमाडौँ
हाल:- रोचेस्टर,न्युयोर्क
**********
दैव तिमी निष्ठुर रैछौ सास लुट्यौ किन
विचरा ! ती निर्दोषको बास लुट्यौ किन
लह लह धान झुल्थे हरियाली फाँट
ढुङ्गे बगर बनाएर गाँस लुट्यौ किन
चारैतिर कोलाहल छ को को पुगे कता
बाबु आमा सन्ततिको पास लुट्यौ किन
घर बारै बग्यो जम्मै गर्ल्याम गुर्लुम ढल्दै
हाड खोरै भेटिएनन लास लुट्यौ किन
मिलिजुली बस्थे सबै दु:ख सुख बाँड्दै
हाँस्दै खेल्दै खुसी हुन्थे रास लुट्यौ किन
छिटो राहत बाँड सरकार भन्छ “कोमल” मन
सुन पुकार निमुखाको आश लुट्यौ किन
आषाढ़ ७ गते, २०७० मा प्रकाशित
