मुम्बई । भारतको मुम्बईमा एक भवन भत्किंदा तीन जनाको मृत्यु भएको छ । मुम्बई शहरको थाने जिल्लामा रहेको तीन तले भवन भत्किंदा केही व्यक्ति भग्नावशेषमा च्यापिएका भारतीय सञ्चारमाध्यमहरुले जनाएका छन् ।
मारिनेमा दुई जना बालबालिका रहेका छन् । ब्यापारिक प्रयोजन र सर्वसाधारण समेत बस्दै आएका उक्त भवन भत्किंदा भवनमा रहेक सर्वसाधारणबीच भागदौड मच्चिएको थियो ।
भारतका अधिकांश भवनहरु अनधिकृत रुपमा बनाइएकाले भत्किने गरेका छन् ।
यता, घटनामा मारिने र घाइतेहुनेहरुलाई उचित राहतको माग गर्दै मुम्बईमा प्रदर्शन भएको छ । मम्बईमा गत केही महिनाअघि मात्रै भवन भत्किंदा चार जनाको मृत्यु भएको थियो भने सन् २०१० मा भारतको नयाँ दिल्लीमा ६९ जनाको ज्यान गएको थियो ।
AGENCIES
आषाढ़ ७ गते, २०७० मा प्रकाशित
