बेईजिङ । चीनको सुदूरपश्चिमी सिन्जियाङ प्रान्तमा भड्किएको हिंसामा परी कम्तिमा २७ जना मारिएका छन् । स्थानीय समय अनुसार आज बिहान टर्वान प्रशासकीय क्षेत्रको लुक्वानमा हिंसा भड्किंदा मारिनेहरुमा ९ प्रहरी, ८ सर्वसाधरण र १० जना दंगा भड्काउने समूहका सदस्य छन् । घटनामा तीन जना घाईत भएका छन् ।
सिन्ह्वा समाचार एजेन्सीका अनुसार हतियारसहित आएको समूहले सर्वधारणमाथि जथाभावी चक्कु प्रहार गर्दै प्रहरी चौकी र सरकारी भवनहरुमा आक्रमण गरेपछि प्रहरीले उनीहरुमाथि गोली प्रहार गरेको थियो । हतियारधारी समूहले प्रहरीको गाडीमा समेत आगो लगाएको अन्तर्राष्ट्रिय सञ्चारमाध्यहरुले जनाएका छन् ।
सिन्जियाङ प्रान्तमा लामो समयदेखि मुश्लिम उइगुर र हान चिनियाँ समुदायबीचको जातिय तनाबका कारण भड्किएको हिंसामा सयौं मारिइसकेका छन् ।
Agencies
आषाढ़ १२ गते, २०७० मा प्रकाशित
