कालिकोट । कालिकोटको भर्ता गाउं विकास समिमिस्थित फेरी घाटमा गएराती पहिरोले घर भत्काउंदा दुई जनाको मृत्यु भएको छ भने एक जना घाइते भएका छन् ।
मृत्यु हुनेमा कालिकोट राचुंली गाविस वडा नम्बर ३ का दत्त विक र जगते बिक छन् भने बुचे बिक घाइते भएका छन् । भारतमा मजदूरी गर्न गएका उनीहरु भक्तबहादुर मल्लको होटलमा बास बस्ने क्रममा घरमाथिबाट आएको पहिरोले घर नै बगाउंदा उनिहरुको मृत्यु भएको हो । होटलमा रहेका अन्य आठ जना भने सकुशल छन् ।
उता, एक साता अघि गएको पहिरोले क्षति पु-याएको पोदमारा बिद्युत केन्दको क्यानल मर्मत नहुंदा कालिकोट जिल्ला अझै अन्धकार रहेको छ । जिल्लामा बिद्युत आपूर्ति नहुँदा कालिकोटमा सरकारी काम समेत ठप्प बनेको छ भने सर्वसाधारणको दैनिकी प्रभावित बनेको छ ।
RSS
आषाढ़ १३ गते, २०७० मा प्रकाशित
