विराटनगर । बाढीले पूर्वी नेपालका जिल्लाहरुमा जनजीवन कष्टकर बनेको छ । झापा, मोरङ, सुनसरीलगायतका जिल्लामा बाढीबाट हजारौ जनता प्रभावित भएका छन् ।
मोरङको रंगेली गाउं विकास समिति वडा नम्बर १ मा बक्रा खोलामा आएको बाढीले १० घर डुबानमा पारेको छ । बाढीले घर डुबानमा परेपछि १० घरका ६३ जना विस्थापित भएका छन् ।
यस्तै, गोविन्दपुरको लामीकट्टा गाविस वडा नम्बर २, ३ मा पनि नुनाबक्रा खोलाको बाढीले ७० घर परिवारलाई विस्थापित गरेको छ । विस्थापित भएका मध्ये कोही आफन्तमा गएर बसिरहेका छन् भने र कोही खुला आकाशमुनी बसिरहेका छन् ।
यसैगरि, बलडंगा गाविस वडा नम्बर ९ चनापुरमा नुनाबक्रा खोलाको बांध फुटेर विस्थापित भएका ३ सय घरपरिवार मध्ये १ सय ४४ जना कल्याणपुर माविमा आश्रय लिइरहेका छन् ।
RSS
आषाढ़ २६ गते, २०७० मा प्रकाशित
