पूर्व राजा ज्ञानेन्द्र शाहसहित हिमानी ट्रष्टका पदाधिकारीहरु बाढी पीडितलाई राहत बाँड्न दार्चुलामा

दार्चुला  । पूर्व राजा ज्ञानेन्द्र शाहसहित हिमानी ट्रष्टका पदाधिकारीहरु बाढी पीडितलाई राहत बाँड्न दार्चुला गएका छन् । दुई दिनदेखि धनगढी रहेका उनीहरु आज विहान दार्चुला गएका हुन् । आगामी निर्वाचनका लागि आचारसंहिता लागु भैसकेकाले चुनावलाई प्रभावित गर्ने गरी राहत वितरण नगर्न तथा गर्नपरे सरकारी संयन्त्रमार्फत् मात्र गर्न निर्वाचन आयोगले भनेपनि हिमानी कोषले आजबाट राहत बाँड्न लागेको हो ।

हिजो पत्रकार सम्मेलन गरी राहत वितरणमा पूर्व राजा ज्ञानेन्द्रको संलग्नता नरहने कोषले प्रष्ट्याए पनि उनी आज दार्चुला गएका हुन् । कैलालीको धनगढीमा हिजो पत्रकार सम्मेलन गरी कोषकी सचिव विजयालक्ष्मी राणाले पूर्वराजा अभिभावकका रुपमा मात्र अभियानमा संलग्न रहेको ताएकी थिइन । निर्वाचन आयोगले कुनै पनि राजनीतिक दल र संघसंस्थाले राहत वितरण गर्न नपाउने आचारसंहिता लागु गरेपनि कोषले राहत वितरण गर्ने कार्यक्रम नरोक्ने कोषको भनाइ थियो ।