मेक्सिकोमा लागू औषध तस्कर र सुरक्षाकर्मीबीच भएको भिडन्तमा २२ जना मारिए

मेक्सिको । मेक्सिकोमा लागू औषध तस्कर र सुरक्षाकर्मीबीच भएको भिडन्तमा २२ जना मारिएका छन् । मारिनेमा दुई सुरक्षाकर्मी र २० जना लागू औषध तस्कर छन् । मेक्सिकोको मिचोओकान राज्यमा गस्तीमा गइरहेको सुरक्षाकर्मीको गाडीलाई छेक्दा भिडन्त भएको थियो । 

मेक्सिकोको दक्षिणी राज्यमा अखडा जमाई बसेकाहरुमाथि छापा मार्न सुरक्षाकर्मी पुगेकाबेला भिडन्त भएको हो । भिडन्तपछि १५ जना लागू औषध तस्करलाई नियन्त्रणमा लिइएको छ । मेक्सिकोमा लागू औषध तस्कर र सुरक्षाकर्मीबीचको भिडन्तमा सन् २००६ यता मात्रै ६० हजार मारिइसकेका छन् ।

Agencies