काठमाडौं । मधेशी जनअधिकार फोरम नेपालले प्रशासन र अपराधीबीच मिलोमतो भएका कारण मधेशमा अशान्ति फैलिएको आरोप लगाएको छ ।
फोरमका अध्यक्ष उपेन्द्र यादवले मन्त्रिपरिषदका अध्यक्ष खिलराज रेग्मीसँग भेटी सशस्त्र प्रहरीकै चौकी अगाडि गोली चल्दा समेत अपराधीलाई कारवाही नगरी प्रहरी मौन देखिनुले तराईमा सुरक्षा अवस्था चिन्ताजनक रहेको पुष्टी भएको बताए ।
मधेशमा शान्तिसुरक्षाको माग राख्दै ज्ञापनपत्र बुझाएपछि अध्यक्ष यादवले प्रशासनले नै अपराधीलाई संरक्षण गरेको आरोप लगाए ।
मन्त्रिपरिषदका अध्यक्ष रेग्मीले सरकार शान्ति सुरक्षा दिन सक्रिय रहेको बताए ।
RSS
श्रावण १३ गते, २०७० मा प्रकाशित
