श्रावण १३ गते, २०७० मा प्रकाशितकाठमाडौं । उच्चस्तरीय राजनीतिक समितिले नेकपा-माओवादी वार्तामा नआएकोप्रति चिन्ता ब्यक्त गरेको छ । आज नयाँ बानेश्वरमा बसेको समितिको बैठकले दुई दुई पटक पत्र पठाउँदा समेत नेकपा माओवादी वार्ताप्रति अनिच्छुक देखिएको भन्दै चिन्ता ब्यक्त गरेको हो । एकातिर वार्ता टोली गठन गर्ने र अर्कोतिर चुनाव बहिष्कार अभियान थाल्ने माओवादीको चरित्रप्रति पनि समितिले आश्चर्य ब्यक्त गरेको छ ।
समिति बैठकले वार्ताबाटै सबै राजनीतिक गतिरोधको निकास खोज्न सकिने भन्दै चुनाव विरोधी गतिविधि नगर्न समेत नेकपा माओवादीसहितका दलहरुलाई आग्रह गरेको छ । आजको समिति बैठकमा क्षेत्र निर्धारणको विषयमा कार्यदलले दिएको प्रतिवेदनबारे पनि छलफल भएको थियो ।
अन्य समाचारहरु
