क्रान्तिकारी पत्रकार अर्घाखाँचीको पत्रकार सम्मेलन, नेकपा-माओवादी चुनावमा आउने एनेकपा माओवादीका प्रल्हाद सुवेदीको दावी

 

सन्धिखर्क, अर्घाखाँची । एनेकपा माओवादीका केन्द्रिय सदस्य प्रल्हाद  सुवेदीले वैद्य नेतृत्वको नेकपा-माओवादी पनि चुनावमा  सहभागि भई मंसिर ४ मै दोस्रो संविधान सभाको निर्वाचन हुने दावी गरेका छन् ।

 

क्रान्तिकारी पत्रकार अर्घाखाँचीले गरेको पत्रकार सम्मेलनमा बोल्दै उनले नेकपा-माओवादी सँग पनि छलफल र  वार्ता चलिरहेकाले  चुनावमा आउने दावी गरे । चुनाव विथोल्ने कुरा गरेर हुदैन, उनले भने, छलफलको माध्यमबाट निकास निकाल्नु पर्छ । उनले राजनीति पार्टी प्रति जनताको विश्वाश घटे पनि समाप्त भने भइनसकेको बताए ।

एनेकपा माओवादीले पत्रकार सम्मेलन मार्फत चुनावी कार्यक्रम समेत सार्वजसनक गरेको छ । दुइ ओटा निर्वाचन क्षेत्र रहेको अर्घाखाँचीमा केन्द्रबाट दुइओटा नेताहरु खटिएका छन । क्षेत्र नं. १ मा केन्द्रिय सदस्य  राजकुमार शर्मा, क्षेत्र नं. १ का संयोजक ठाकुर कुमार वि.क छमकुमारी खनाल सहितका नेताहरु र क्षेत्र नं. २ मा केन्द्रय सदस्य प्रल्हाद सुवेदी सहित हिमकला गैरे, खुमानन्द घिमिरे, जागिर हुसेन भक्त वहादुर पुन लगायतका नेताहरु खटिएको पत्रकार सम्मेलन मार्फत जानकारी गराइएको हो । पहिचान सहितको संघियता संघियता सहितको संविधान दास्रो संविधान सभाको निर्वाचनका लागि जनसम्वन्ध सुदृढ अभियान भन्ने तारा तय गरेर एमाओवादी चुनावी अभियानमा लागेको छ ।