श्रावण १९ गते, २०७० मा प्रकाशितकाठमाडौं । राजधानी काठमाडौंको बबरमहलमा ४ जनाको ज्यान जाने गरी विष्फोट गराउने संयुक्त जातीय मुक्तिमोर्चा नामक समूहका ५ जनालाई प्रहरीले बिहीबार पक्राउ गरेको छ । पक्राउ पर्नेहरुमा वीरेन्द्रकुमार तामाङ, सनबहादुर परियार, निमा शेर्पा, सन्तोष माझी र भानीनाथ रहेका छन् । भानीनाथ माओवादीका पूर्व लडाकू समेत हुन् ।
महानगरीय प्रहरी अपराध महाशाखाले उनीहरुलाई काठमाडौंका विभिन्न स्थानबाट पक्राउ गरेको हो । उनीहरुबाट बम बनाउन प्रयोग हुने सामग्री, चन्दा रसिद तथा विभिन्न प्रचा पम्प्लेट बरामद भएको प्रहरीले जनाएको छ ।
२०६७ साल फाल्गुनमा बबरमहलस्थित नेपाल आयल निमम अगाडि भएको बम विष्फोटमा चार जना सर्वसाधारणको ज्यान गएको थियो । बमकाण्डको केही समयपछि सो समूहका नाइके विश्वक्रान्ती भनिने देवराज लामा पक्राउ परेका थिए ।
ललितपुरको नख्खु कारागारमा रहेका लामाकै निर्देशनमा समूहका अन्य व्यक्तिहरु सञ्चालित रहेको पनि प्रहरीले बताएको छ ।
अन्य समाचारहरु
