श्रावण २९ गते, २०७० मा प्रकाशितउपचारका लागि दिल्ली लगिएका श्रेष्ठको फोक्सोमा क्यान्सर लागेको मेदान्त अस्पतालका चिकित्सकले पुष्टि गरेका थिए। सुरुमा आइसियुमा राखेर उपचार थालिए पनि स्वास्थ्यमा केही सुधार भएपछि करिब २० दिन पछि सामान्य वार्डमा सारिएको थियो।
भारतमा उपचाररत पूर्वप्रधानमन्त्री श्रेष्ठको उपचारका लागि रकम अभाव भएपछि परिवारले उपचार खर्चका लागि हारगुहार गरिरहेको छ। श्रेष्ठको उपचारमा राज्यले सहयोग नगरेपछि श्रेष्ठ परिवार उपचार खर्चका लागि हारगुहारमा लागेको हो। सरकारले उनको उपचारका लागि पाँच लाख रुपैयाँ सहयोग गर्ने भने पनि श्रेष्ठले रकम लिन इन्कार गरेका छन्। ‘पूर्वप्रधानमन्त्रीको सम्पूर्ण उपचार खर्च बेहोर्नु पर्नेमा सरकारले रकम तोकेर चन्दा दिए जस्तो गर्नु ठिक लागेन, त्यहि भएर त्यो रकम लिएनौ,’नागेन्द्रले भने ‘बरु संघसंस्थाकै अगाडि हात फैलाउनु ठिक ।’
हाल विभिन्न संघसंस्थाबाट संकलीत रकम उपचारका लागि पठाइरहेको श्रेष्ठ परिवारले जनाएको छ । हाल सम्म दाङ बाट मात्रै पाँच लाख रुपैयाँ संकलन भएको र उक्त रकम पठाइसकीएको जनाईएको छ ।
श्रेष्ठको उपचारका लागि सल्यानमा रहेको जग्गा जमिन बिक्री गरिसकीएको नगेन्द्रले बताए । हाल सल्यानको खलंगामा रहेको घरमात्रै श्रेष्ठको नाममा छ । नगेन्द्रका अनुसार हाल उपचारका लागि दैनिक पचास हजार (भारु) खर्च लाग्ने भएकाले उपचारमा आर्थिक समस्या भएको हो। हाल सम्म उपचारमा ४५ देखि ५० लाख रुपैयाँ सम्म खर्च भैसकेको छ ।
मरिचमान सिंह पञ्चायतकालका प्रधानमन्त्री श्रेष्ठ ४ वर्ष प्रधानमन्त्री बनेका थिए। २०४२ देखि २०४६ सम्म उनी प्रधानमन्त्री थिए। सल्यान खलंगा स्थायी घर भएका उनी राजधानीको धापासीमा बस्दै आएका छन्। पारिवारका अनुसार धापासीमा उनको एकतले घर छ।
अन्य समाचारहरु
