हङकङ । हङकङमा आएको आँधीले जनजीवन अस्तब्यस्त बनाएको छ । प्रतिघण्टा १ सय ३० किलोमिटरका गतिले आएको आँधी नथामिएपछि सबै सरकारी कार्यालय बन्द गरिएका छन् ।
हवाई, पानीजहाज र यातायात सेवा बन्द गरिएको छ । हवाई उडान बन्द गरिएकाले हङकङको विमानस्थल भएर उड्ने थुप्रै विमान हङकङ विमानस्थलमै रोकिएका छन् । करिब २ हजार यात्रु विमानस्थलमै अलपत्र परेका अन्तर्राष्ट्रिय सञ्चारमाध्यमहरुले जनाएका छन् ।
सर्वसाधारणलाई घरबाट बाहिर ननिस्कन अपील गरिएको छ । चीनबाट प्रवेश गरेको आँधीको बेग अझै बढ्न सक्ने मौसमविदहरुको अनुमान छ ।
Agencies
श्रावण ३० गते, २०७० मा प्रकाशित
