भक्तपुर । भक्तपुरका कुखुरा व्यवसायीले आज भक्तपुरको दुधपाटीमा प्रदर्शन गरेका छन् । प्रर्दशनको क्रममा प्रहरीसँग दोहोरो झडप समेत भएको छ । झडपमा तीन प्रहरी र एक प्रदर्शनकारी घाइते भएका छन् ।
बर्डफ्लु नियन्त्रण प्रक्रिया वैज्ञानिक तबरबाट हुनुपर्ने, पीडितलाई क्षतिपूर्ति दिनुपर्ने, अवैध भ्याक्सिन कम्पनीलाई कारवाही गर्नुपर्ने लगायतका आठ बुँदे माग राखेर कुखुरा व्यवसायी प्रदर्शनमा उत्रिएका हुन् ।
प्रदर्शनको क्रममा कुखुरा व्यावसायीहरुले पशु सेवा कार्यालयमा ताला लगाउने प्रयास समेत गरेका थिए ।
भक्तपुरका कुखुरा व्यावसायीको प्रदर्शनमा काभ्रेका कुखुरा व्यावसायीहरुले समेत साथ दिएका छन् ।
RSS, IMAGECHANNEL
भाद्र ७ गते, २०७० मा प्रकाशित
