काठमाडौंको जमलस्थित ज्योति भवनमा लागेको आगो नियन्त्रणमा
भाद्र १४ गते, २०७० मा प्रकाशित
काठमाडौं । राजधानी काठमाडौंको जमलस्थित ज्योति भवनमा आज बिहान अकस्मात लागेको आगो डेढ घण्टा पछि नियन्त्रणमा लिइएको छ । ज्योति भवनको दोस्रो तल्लामा रहेको नेपाल बैंक लिमिटेडबाट विद्युत सर्ट भएर आगो लागेको थियो । आगलागीबाट नेपाल बैंक लिमिटेडमा पूर्ण रुपमा क्षति भएको छ ।
बैंकसँगै रहेको सीटीकी पोलिक्लिनिकमा र हिरो होण्डाको शो रुममासमेत सामान्य क्षति पुगेको छ । नेपाली सेना, नेपाल प्रहरी, सशस्त्र प्रहरी र दमकलको सहयोगमा आगो नियन्त्रणमा लिइएको थियो । सुरक्षाकर्मीले बैकभित्र रहेका पाँच जना कर्मचारीलाई उद्दार गरेका थिए ।
आगो फैलन नदिन, शो रुममा रहेका मोटरसाइकल, जेनेरेटर, हेलमेटलगायतका सामग्री सुरक्षाकर्मीले बाहिर निकालेका थिए । आगलागीबाट भएको क्षतिको यकिन विवरण भने प्राप्त नभईसकेको प्रहरीले बताएको छ ।
भाद्र १४ गते, २०७० मा प्रकाशित
