रुसी राष्ट्रपति भ्लादिमिर पुटिनले सिरियामा एकपक्षीय कारवाही नगर्न पश्चिमा मुलुकहरुलाई चेतावनी दिएका छन्।
तर सेन्ट पिटर्सवर्गमा जी २० मुलुकहरुको शिखर संमेलन अघि पुटिनले भने, उनी यदि सिरिया सरकारले आफ्नै जनता विरुद्ध रासायनिक हतियार प्रयोग गरेको विश्वस्त प्रमाण भेटिएमा उ विरुद्ध सैनिक हमला गर्ने राष्ट्रसंघ सुरक्षा परिषदको प्रस्तावलाई रुसले समर्थन गर्न सक्नेछ।
राष्ट्रपति पुटिनले भने, राष्ट्रसंघको स्वीकृति बेगर गरिने कुनै पनि हस्तक्षेप एउटा अतिक्रमण हुनेछ।
अमेरिकी राष्ट्रपति ओबामाले रासायनिक हमला गरेकाले सिरिया विरुद्ध दण्डात्मक कारवाही गर्न आह्वान गरेका छन्।
तर सिरिया सरकारले ती आरोपहरुको खण्डन गरेको छ।
एसोसियटेड न्युज एजेन्सी तथा रुसको सरकार नियन्त्रित च्यानल वन टेलिभिजनसंगको एक विस्तृत अन्तर्वार्तामा राष्ट्रपति पुटिनले भने, विद्रोहीहरुविरुद्धको लडाईंमा जीत हासिल गरिरहेका राष्ट्रपति असदले रासायनिक अस्त्र प्रयोग गरेको भन्ने भनाइ हास्यास्पद छ।
भाद्र १९ गते, २०७० मा प्रकाशित
