भाद्र ३० गते, २०७० मा प्रकाशितअमेरिकी राष्ट्रपति बाराक ओबामाले सिरिया मामिलाबारे अमेरिका र रुसबीच भएको सम्झौताको स्वागत गरेका छन् । दुई देशबीच हिजो भएको सम्झौताबारे आफ्नै कार्यालय ह्वाइटहाउसमा पत्रकारहरुसँग ओबामाले सिरियाले आफना जनतासँग उदार नीति अपनाउने विश्वास व्यक्त गरे । रुसले सिरिया मामिलामा देखाएको नरम नीतिको स्वागत गर्दै ओबामाले अब अनाहकमा सर्वसाधारणले ज्यान गुमाउनु नपर्ने बताए ।
सिरियाली राष्ट्रपति बहार अल असादको सत्ताले हालै विपक्षीविरुद्ध रासायनिक हतियार प्रयोग गरेकोमा अमेरिका सैन्य हस्तक्षेपको पक्षमा देखिएको थियो । यसको विरोधमा रहेको रुसले पछिल्लो सहमतिमार्फत् सिरियाको रासायनिक हतियार नष्ट गर्ने सम्झौतामा हस्ताक्षर गरेको हो ।
अन्य समाचारहरु
