फिलिपिन्स । फिलिपिन्समा भारी बर्षापछी आएको बाढीपहिरामा परी २० जनाको मृत्यु भएको छ । पहिरोमा थुप्रै हराईरहेका छन् । फिलिपिन्सको उत्तर पश्चिमी क्षेत्र पहिरोको चपेटामा परेको हो । लगातारको बर्षापछी आएको बाढी पहिरोका कारण फिलिपिन्सका अधिकांश शहर डुबानमा परेका छन् । बाढीकै कारण सयौं बिस्थापित भएका छन् ।
सवारीसाधनहरु सडकमा पुरिंदा यातायात ब्यबस्था अवरुद्ध भएको छ । बाढी पहिरोमा हराईरहेकाहरुको खोजी कार्य तीब्र पारिएको छ । यद्दपी ठाउँ ठाउँमा संरचना भत्कंदा च्यापिएकाहरुको उद्धार कार्यमा कठिनाई भएको छ । बाढी पहिरोका कारण आफन्त गुमाएका र घरबारबिहिन बनेकाहरुबीच रुवाबासी चलेको छ ।
Agencies
आश्विन ८ गते, २०७० मा प्रकाशित
