दोलखा- दोलखामा चुनाव बहिष्कारको घोषणा गरेर आन्दोलनमा होमिएको नेकपा-माओवादीका एक राज्य समिति स्तरका नेताले स्वतन्त्र उम्मेदवारका रुपमा मनोनयन दर्ता गराएका छन्।
नेकपा-माओवादीका ताम्सालिङ राज्य समिति सदस्य रेशम राजश्वराज रिमालले जिल्लाको दुवै क्षेत्रबाट उम्मेदवारी दर्ता गराएका हुन्। जनयुद्धकालमा तत्कालीन माओवादीको जिल्ला सेक्रेटरी रहेका उनी हाल नेकपा-माओवादीको ताम्सालिङ राज्य समिति सदस्य छन्।
उनले आफ्नो उम्मेदवारी शहिद परिवार, शोषित पीडित जनताको तर्फबाट एक स्वतन्त्र माओवादीका रुपमा रहेको सुनाए।
यता नेकपा-माओवादीका जिल्ला नेता बन्धु बिक्रम क्षेत्रीले रिमालको उम्मेदवार पार्टीको सल्लाहमा नभएको बताए।
‘हाम्रो सल्लाहमा भएकै हैन, हामीले पनि सुनेर थहा पायौं,’ उनले भने, ‘उहाँ सगँ स्पष्टिकरण सोध्छौं।’ NAGARIKNEWS
आश्विन १७ गते, २०७० मा प्रकाशित
