ताप्लेजुङ, आश्विन १८ । आसन्न संविधानसभाको निर्वाचनको विपक्षमा रहेको ३३ दलीय गठबन्धनको संघीय लिम्बुवान राज्य परिषदले आह्वान गरेको अनिश्चितकालीन पूर्वका ९ जिल्ला बन्द फिर्ता लिएको छ ।
हिजो प्रहरीले पक्राउ गरेका कार्यकर्ता रिहाइको माग गर्दै सो संगठनले आजदेखि यातायात बन्द आह्वान गरेको थियो ।
गृहमन्त्री माधव घिमिरेसँग भएको वार्ता सकारात्मक बनेकाले यातायात बन्द फिर्ता लिइएको सो संगठनका अध्यक्ष कुमार लिङ्गदेनले बताएका छन् ।
बन्द फिर्ता लिइएपछि जनजीवन सहज बन्दै गएको छ भने बाटोमा अलपत्र परेका यात्रुहरु गन्तब्यतर्फ लागेका छन् ।
यसअघि अचानक आह्वान गरिएको बन्दका दशैंका लागि घर हिंडेका हजारौं यात्रु बीच बाटोमै अलपत्र परेका थिए । RSS, IMAGECHANNEL
आश्विन १८ गते, २०७० मा प्रकाशित
