माओबादी जनयुद्ध गलत भएको भन्ने बेला आएको काँग्रेसका गगन थापाको भनाई

काठमाडौं  । नेपाली काँग्रेसका युवा नेता गगन थापाले माओबादी जनयुद्ध गलत भएको भन्ने बेला आएको बताएका छन् । काठमाडौं क्षेत्र नम्वर ४ का उम्मेद्वार थापाले यो क्षेत्रका मतदाताले १७ हजार नेपाली मारिएको माओवादी जनयुद्ध गलत थियो भनेर भन्ने अवसर काठमाडौं ४ लाई आएको बताए ।
 
नेपालमा तेस्रो पटक संविधानसभाको चुनाव हुन नसक्ने भन्दै नेता थापाले अबको संविधानसभाबाटै संविधान बन्न काँग्रेस जस्तो मोडरेट शक्ति बहुमतमा पुग्नुपर्ने बताए । चुनावी अभियानलाई सम्वोधन गर्दै थापाले अब समस्याको माध्यमबाट नभइ समाधानको दृष्टिकोणबाट राजनीतिमा लाग्न चाहेको बताए ।

 युवा नेता गगन थापाले अबको राजनीतिको मुद्धा विकासको मुद्धा हुने भन्दै राजनीति मेरो पेशा होइन र हुन पनि दिन्न भने । वाराका एमाले उम्मेदवार महमुद आलम माथिको आक्रमणको निन्दा गर्दै थापाले दोषीलाई तत्काल पहिचान गरि कार्वाही गर्न सरकारसंग माग पनि गरेका छन्। RSS, IMAGECHANNEL