मोरडको डाँगीहाट ५ मा स्थानीय युवा समूहबीच खुकुरी हानाहान हुँदा तीनजना घाइते भएका छन् । युवा समूहबीच भएको विवादपछि दुवै पक्ष आक्रामक हुँदा शनिबार राति झडप भएको प्रहरीले जनाएको छ । त्यस क्रममा दुबै समूहबाट खुकुरी हानाहान हुँदा स्थानीय बुद्ध राई, डेनिल राई र रणबहादुर राई घाइते भएका छन् ।
घाइतेमध्ये रणबहादुरको अवस्था गम्भीर भएकाले विराटनगरस्थित न्युरो अस्पतालमा उपचार भइरहेको छ । अन्य दुईजनाको स्थानीय स्वास्थ्य संस्थामा उपचार भइरहेको प्रहरीले जनाएको छ।
घटनामा संलग्नमध्ये स्थानीय बिक्रम राईलगायत तीनजनालाई बेलबारीस्थित इलाका प्रहरी कार्यालयको टोलीले पक्राउ गरेको छ ।
घटनाबारे अनुसन्धान भइरहेको प्रहरीले जनाएको छ ।
Source:ekantipur
आश्विन २७ गते, २०७० मा प्रकाशित
