भियतनामको मध्य क्षेत्रमा आएको बाढी र पहिरोमा परि कम्तिमा २८ जनाको मृत्यु भएको छ ।
गत शुक्रवार आएको बाढी पहिरोमा परि नौ जना हराइरहेका छन् भने ८० हजार मानिस घरवारविहिन भएका छन् । बाढी प्रभावित पांच प्रान्तमा जनजीवन अस्तव्यस्त भएको समाचारमा जनाइएको छ ।
क्वाङगाई प्रान्तमा पानीको तह सन् १९९९ पछि कै उच्च रहेका अधिकारीहरुले जनाएका छन् । गत हप्ता मात्र फिलिपिन्समा हजारौंको ज्यान लिएको हाईयान आंधी भियतनाममा पनि पस्दा १३ भन्दा बढीको मृत्यु भएको थियो ।
Source: Agencies
मंसिर ३ गते, २०७० मा प्रकाशित
