नेपालमा दोस्रो संविधानसभाको निर्वाचन मतदान शान्तिपूर्ण रुपमा सम्पन्न भएको भएको भन्दै युरोप फाउन्डेशनद्धारा हर्ष प्रकट, कार्टरले दिएको अभिव्यक्तिको निन्दा

सन्धिखर्क, अर्घाखाँची ।  नेपालमा मंगलबार दोस्रो संविधानसभाको निर्वाचन मतदान शान्तिपूर्ण रुपमा सम्पन्न भएको भन्दै युरोप फाउन्डेशनले निर्वाचन आयोग, नेपाल सरकार, राजनैतिक दल एवं सामाजिक संघ-सस्थालाई बधाई दिएको छ। 

 

युरोप फाउन्डेशनका सस्थापक प्रमुख सप्पन के.सी बाट जारी विज्ञप्तीमा जनताको व्यापक र उत्साहपूर्ण सहभागितासहित शान्तिपूर्णरुपले सफल भएको भन्दै हर्ष प्रकट गरेको हो ।

 

निर्वाचन पर्यवेक्षकका रुपमा नेपाल आएको युरोप फाउन्डेशनका फाउन्डर के.सी ले अर्घाखाँची जिल्लाका विभिन्न गाबिसमा रहेका मतदान केन्द्रको अनुगमन गरेका थिए। 

 

उता स्वास्थ्य र शान्तीको क्षेत्रमा काम गर्दै आएको कार्टर सेन्टरका सस्थापक पूर्व अमेरिकी राष्ट्रपति जिमी कार्टरले नेपाल आएलगत्तै आइतबार राष्ट्रपति रामवरण यादवसँगको भेटवार्ता पश्चात दिएको अभिव्यक्तिको समेत युरोप फाउन्डेशनले निन्दा र भर्त्सना गरेको के.सी को विज्ञप्तीमा उल्लेख गरिएको छ। 

 

कार्टरले दिएको अभिव्यक्ति निर्वाचन पर्यवेक्षण आचारसंहिताको गम्भीर उल्लंघन हो।

कार्टरले राष्ट्रपति यादवसँग अव बन्ने संविधानसभामा शासकीय स्वरुप र संघीयता नै प्रमुख विषय हुने बताएका थिए। शासकीय स्वरुप र संघीयताका विषयमा सबै पक्षबीच समझदारी कायम गर्ने मिलनविन्दु फ्रेन्च मोडेलको अर्धराष्ट्रपतीय गणतान्त्रिक प्रणाली उपयुक्त हुने धारणा राखेका थिए।